MEPUTSO: 100
NAKO: 2½ diiri
Palomoka ya matlakala a dipotšišo ke 7.
LEPHEPHE LA BORARO (P3)
DITAELO
Lephephe le, le arotšwe ka dikarolo tše THARO, e lego ya A, B le C.
KAROLO YA A: Ditaodišo 
KAROLO YA B: Ditšweletšwa tša tirišano tše telele 
KAROLO YA C: Ditšweletšwa tša tirišano tše kopana 
Araba potšišo e TEE karolong ye nngwe le ye nngwe.
Šomiša polelo yeo o lekwago ka yona.
Thoma karolo ye nngwe le ye nngwe letlakaleng le lefsa.
Beakanya (ka tsela ya mmepe wa monagano, seswantšho, mantšu a bohlokwa le tše dingwe) o be o badišiše le go dira palobohlatse. Peakanyo ya gago e tšwelele pele ga taodišo ya gago.
Peakanyo e bonagale gabotse. E laetše ka go thala mothalo wa go putla.
Šomiša metsotso ye e ka bago 80 go KAROLO YA A, ye 40 go KAROLO YA B, le ye 30 KAROLONG YA C.
Dikarabo di nomorwe go ya le ka fao dipotšišo di nomorilwego ka gona.
Efa karolo ye nngwe le ye nngwe hlogo ya maleba.
Ngwala ka bothakga le ka mongwalo wa go balega.
KAROLO YA A: DITAODIŠO
POTŠIŠO 1
Kgetha E TEE ya dihlogo tše di latelago gomme o ngwale taodišo ya botelele bja mantšu ao e ka bago a 400 go iša go a 450.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Thibelo ya phetetšo ya twatši ya HIV le Aids ke maikarabelo a gago.
GOBA
Tsinkela seswantšho se se latelago ka šedi gomme o re alele dikgopolo tša gago.
GOBA
Tšhomišanommogo gare ga dingaka tša setšo le tša Sekgowa maokelong e bohlokwa. Tia di lle.
GOBA
Toro ya ka bophelong.
GOBA
Halala! Re a go amogela ngwaga wa 2010 ... goroga!!
Ditlalemeso tša theknolotši.
GOBA
Bophelo bjola bo bego bo le boima, bjale bo bofefo.
GOBA
Ga re khuduge mo! Tia di lle.
GOBA
Lekodišiša seswantšho se sa ka tlase gomme o ntšhe maikutlo a gago.
PALOMOKA YA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Araba potšišo E TEE go tše nne tše di latelago. Botelele bja karabo ya gago e be mantšu a 180 go iša go a 200 (diteng fela).
Sekolo sa lena se tlile go direla baithuti ba Mphato wa Marematlou moletlo wa go laelana le bona ka morago ga ditlhahlobo tša makgaolakgang. Bjale, wena ka ge o le mongwaledi wa mokgatlo wa baithuti, re ngwalele metsotso ye e nago le lenaneothero mabapi le ditokišetšo tša moletlo woo.
GOBA
Le be le ipshina lenyalong la motswalago yo a bego a nyalwa ka mokgwa wa setšo. Ngwala kgatišo ya ditshwayatshwayo mabapi le tšeo di go šaletšego monaganong. Se lebale go fa tshwayatshwayo ya gago dihlogo tša maleba.
GOBA
Ka ngwaga wa 2010, go tla ba go le baeti ba go tšwa dinageng tša ka ntle. Ba Kgoro ya Boeti ba go kgopetše gore o hlame proutšhara yeo e tšweletšago Boafrika bja nnete le boitemogelo gore e goketše baeti go etela a mangwe a mafelo a boikhutšo.
GOBA
Kanegelo ye e latelago e tšweleditšwe ke yo mongwe wa baithuti ka gare ga kgatišobaka ya Love Life.
Ke moithuti wa mengwaga ye 18. Ke le ngwalela lengwalo le ka ge ke nyamile gape ke kgopela thušo ya ka pela. Batswadi ba ka ba na le tlhokomelo ya go fetišiša le go laola bophelo bja ka kudu. Ga se ka swanela go tšwa le bagwera goba le ge e le go ba tliša ka lapeng. Nako le nako ge ke šišinya se sengwe go bona, ba a nkomanya ... Ga se ka swanela go dira boikgethelo bophelong bja ka. Ba tloga ba sa nkwešiše le gannyane.
Ke lewa ke bodutu gape ke kgopela maele a go rarolla bothata bjo.
Yo mongwe a thuše hle!
Manyami
Ka morago ga go bala lengwalo le, ngwalela morulaganyi wa kgatišobaka ya Love Life lengwalo gomme o eletše le go thuša Manyami go rarolla mathata a gagwe.
Morutiši! ke ka lebaka la eng dipoelo di le ka tsela ye?
Morena! Le nna ke tloga ke tlabegile. Ga ke tsebe gore go diragetše eng!
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO/TSEBIŠO/MELAETŠA
POTŠIŠO 3
Araba potšišo E TEE go tše tharo tša tše di latelago. Botelele bja karabo ya gago e be mantšu a 100 go iša go a 120.
Setsebi sa merero ya ekonomi se tlile go fa polelo motseng wa geno ka Mokibelo mabapi le tša phedišano. Thala phoustara/postara yeo o tšweletšago dipotšišo tše šupa tšeo o ratago go mmotšiša tšona go akaretša kelo ya tswalo dithotong ka bophara.
GOBA
Bjalo ka mongwaledi wa lekgotla la baithuti, ngwala karata ya taletšo ya go mema seboledi sa letšatši go tla moletlong wa taelano ya baithuti ba Mphato wa marematlou.
GOBA
Bjalo ka moetapele wa sehlopha sa diphadišano tša mabelo, ngwala lephephetsebiši leo le tlogo goketša baithuti ba sekolo sa lena, go tla go ingwadiša sehlopheng sa lena sa go hlohleletša/tutuetša bakgathatema.
PALOMOKA YA KAROLO YA C:
PALOMOKA YA TLHAHLOBO:
